Zaoterdig 15 fibberwari is ’t weer zoea wied. Den organiseertj SV Roggel in samewèrking mèt buurtvereiniging De Zuidhoek de aojerwètse mer och zoea gezellige Boorebroeloft. ´s Middes vindj in beslaote kringk de burgerlijke inzaegening plaats. Vanaaf 20.00 oor ´s aoves gaon wae ós opmake väör de kèrkelijke inzaegening in La Rochelle. Hie waere in de ón-echt verbónje, ’t Boorebroedspaar van 2025:
Lisanne van Ger van Frits Schreurs en An van Nade Pier en van Gerry van Jan Meerts en Liza van Piet van Helmes Kueb
&
Ronny van Mia van Truu van Pruus Wulm en van Sieb van Driek oet de bak en van John van Mietje van Linssen en van Sjeng oet de stad
Wae haope det gans Roggel aanwezig kèn zeen bie ’t fiëst van dit prachtige broedspaar. De muzikale ómliesting waerdj dit jaor verzorgdj door DJ’s Daan & Nick en live-bend ‘Besjuut mèt Beer’, dus det dit ’n sjiek fiëst geit waere steit vast. As gae det nog neet gedaon höbtj, den noteer zaoterdig 15 fibberwari in eure agenda om d’r same mèt dit broedspaar weer ’n geweldjig fiëst van te make!
Toet den!
De activiteitecommissie vanne voetbalklub
