Zaoterdig 4 fibberwari is ’t weer zoea-wied. Den organiseertj SV Roggel in samenwèrking mèt buurtvereiniging de Triangel de aojerwètse mer och zoea gezellige Boorebroeloft. ´s Middes vindj in beslaote kringk de burgerlijke inzaegening plaats. Vanaaf 20.00 oor ´s aoves gaon wae ós opmake väör de kèrkelijke inzaegening in La Rochelle. Hie waere in de ón-echt verbónje, ’t Boorebroedspaar van 2023:
Nieke van Hans van Herman Custers Baerke en Marleen van Seelisse Sjrake
&
Joost van Trikzak Huubke van Wallie Zef en Bea van Jos van Giepkes Petran Peeters
Wae haope det gans Roggel aanwezig kèn zeen bie ’t fiëst van dit prachtige broedspaar. De muzikale omliesting waerdj dit jaor verzorgdj door DJ’s Maarten & Ruud en live-bend ‘The Bipsy Boys’, dus det dit ’n sjiek fiëst geit waere steit vast. As gae det nog neet gedaon höbtj, den noteer zaoterdig 4 fibberwari in eure agenda om d’r same mèt dit broedspaar weer ’n geweldjig fiëst van te make!
… Toet den
De activiteitecommissie vanne voetbalklub
