Op 14 november waertj oos vastelaoves seizoen geäöpendj. Dit gebäörtj, same mèt de Jeugdsjansemaekers, door middel van ’t wikse van ’t beeldje vanne Sjansemaeker bie de Sjor. Dit zal om 15.11 oor plaatsvinje. Ouch Paaf Aaf zal hie weer bie aanwezig zeen, en zorge väör de sjoeane muziek.
Aansloetendj gaon wae nao La Rochelle väör ’t Prinsebal. Waem waerdj as 68ste Prins van de Sjansemaekers oetgerope??? Waem waerdj de opvolger van Prins Stan I? Koom kieke want ’t belaoftj weer eine geweldige middig en aovendj te waere. Gae kèntj dae zunjigmiddig in La Rochelle ouch raoje waem de nuje Prins waertj. Bie de bonnebak kèntj gae invulle waem det gae dinktj det de nuje Prins waertj. Inlèg is €1,- en de winnaar zal consumptiebonne vanne Sjansemaekers winne.
Dit moogtj gae natuurlik neet misse, dus haopelik toet zunjig de 14e november bie en in La Rochelle.
Haotj d’r raekening mèt det we gezeen de maatregele van ’t kabinet omtrent corona, doon controlere of gae ein geldige QR code höbtj.
