Nog mer 2 daag wachte… Wae zeen ontzettend gruets det wae dit jaor weer ’n bienao gans normale KVW moge organisere! Helaas motte wae waal ‘t aantal bezeukers op ’t terrein nog beperke, daorom zulle dit jaor allein aojers van daelnemende kinjer en breurkes of zuskes van 12 jaor of jonger live naor ’t tonieël kènne kome kieke. Om d’r veur te zörge det toch ederein het verhaol kèn volge zulle wae ’t tonieël opneme en op ‘t YouTube-kanaal van Kindervakantiewerk Roggel plaatse. Dao kènne alle opa’s, oma’s, broors, zusse en angere leefhebbers ’s aoves truukkieke waat d’r noe weer aanne handj is oppe Mössehook… Wae zeen d’r klaor veur! Gae ouch?